मेरो देशमा अहिले
रोग छ निदान छैन,
भोक छ भकारी छैन
बेथिति छ, थिति छैन,
सक्नेलाई चैन छ, नसक्नेलाई बेचैन छ
शासन छ सुशासन छैन,
रात छ निन्द्रा छैन

मेरो देशमा अहिले
नेताहरू छन् सही नेतृत्व छैन
महलहरू छन् बास छैन
त्रास छ, आस छैन
बाटो छ, गन्तव्य छैन

मेरो देशमा अहिले
चेतना छ तर सबै अचेत छन्
शिक्षा छ, शिक्षित छैनन्
खेती छ, मल, जल र बिजन छैन
हल्ला छ, सही दृष्टिकोण छैन
सरकार छ, अनुभूति छैन

Advertisement

मेरो देशमा अहिले
जीवन छ, जिउनी छैन
रोदन छ, हाँसो, खुसी र उल्लास छैन
कलकारखाना छन्, रोजगारी छैन
प्रचुरता छ, अवसर छैन
सिमाना छ, सुरक्षा छैन
हो मेरो देशमा अहिले धेरै कुरा छैनन्
हो मेरो देशमा अहिले यस्तै छ ।