थप ४ हजार ९६ जना कोरोना संक्रमणमुक्त

गाेरखा सन्देश १४ कार्तिक २०७७, शुक्रबार १७:५९

काठमाडौं- पछिल्लो २४ घण्टामा थप ४ हजार ९६ जना कोरोना संक्रमणमुक्त भएका छन्। देशका विभिन्न संस्थागत तथा होम आइसोलेसनमा रहेका उनीहरू संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।

योसँगै नेपालमा एक लाख २८ हजार ८ सय ५८ जना संक्रमित उपचारपछि निको भएका छन्। मन्त्रालयको अनुसार संक्रमणमुक्त हुनेको संख्या ७६ दशमलव ७ प्रतिशत रहेको छ।

मन्त्रालयका अनुसार १४ हजार ९ सय ८९ जनाको पिसिआर परीक्षण भएको छ। हालसम्म १४ लाख ३४ हजार ५३ जनाको पिसिआर भएको मन्त्रालयले जनाएको छ।