काठमाडौं- पछिल्लो २४ घण्टामा नेपालमा १ हजार ७९० जना कोरोना संक्रमित भेटिएका छन्।

योसँगै नेपालमा कुल संक्रमितको संख्या २ लाख ४० हजार ७८ पुगेको स्वास्थ्य तथा जनसंख्या मन्त्रालयले जानकारी दिएको छ।

नेपालमा सोमबार थप २४ जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ३ सय ६१ पुगेको स्वास्थ्य तथा जनसंख्या मन्त्रालयले अद्यावधिक गरेको तथ्यांकमा उल्लेख छ।

Advertisement

नेपालमा हालसम्म १६ लाख ८१ हजार २९९ जनाको पिसिआर परीक्षण भएको छ। हाल क्वारेन्टाइनमा ६२७ रहेको मन्त्रालयले जनाएको छ। नेपालमा हालसम्म कुल संक्रमितमध्ये १७ हजार ८५९ जना सक्रिय संक्रमित छन्।

आज २ हजार ७९१ जना कोरोना संक्रमणमुक्त भएका छन्। योसँगै कुल निको हुनेको संख्या २ लाख ४ हजार ८५८ पुगेको छ।