पाेखरा- भर्खरै सत्ताबाट बाहिरिएको नेकपा एमाले आक्रामक बन्दा गण्डकी प्रदेश सभा बैठक स्थगित भएको छ।
कृष्णचन्द्र नेपाली पाेख्रेलले मुख्यमन्त्रीको रुपमा विश्वासको मत प्राप्त गरेपछि स्थगित भएकाे संदनमा बजेटबारे छलफल गर्न आइतबार सुरु भएको बैठकमै विपक्षीहरु सत्ता पक्षप्रति आक्रामक बनेका हुन्।
बैठकको सुरुमै प्रतिपक्षी दलका नेता तथा पूर्वमन्त्री रामशरण बस्नेतले नयाँ सरकारले आफ्ना कार्यकर्ताहरुलाई विभिन्न योजनाको नाममा रकम बाँडेको आरोप लगाउँदै त्यसको सत्य तथ्य बाहिर नल्याएसम्म सदन चल्न नदिने जानकारी गराएका थिए।
Advertisement
कृष्णचन्द्र नेपाली सरकारले आफ्ना कार्यकर्तालाई १६ करोडभन्दा बढी गैरबजेटरी रकम बाँडेर आर्थिक अनियमितता गरको विपक्षीको आरोप छ। विपक्षीको विरोधपछि सभामुख नेत्रनाथ अधिकारीले दिउसो १ बजेसम्मको लागि अधिवेशन स्थगित गरेका छन्।
