मुग्लिन- बिहीबार मध्यान्हदेखि अवरुद्ध नारायणगढ-मुग्लिन सडक खण्ड पूर्ण रूपमा खुलिसकेको छैन।
बिहीबार दिउँसो १ बजे पहिरो खसेपछि अवरुद्ध सडक करिब २५ घण्टापछि शुक्रबार साँझदेखि खुलाइएको थियो। तर पुन: शनिबार बिहान खसेको पहिरोले केहीबेर सडक अवरुद्ध भएको थियो।
सडक डिभिजन भरतपुरबाट ल्याइएको मेसिनले पहिरो पन्छाएपछि केहीबेर सुचारु भएको उक्त सडकखण्डमा शनिबार बिहान १० बजे पुन: पहिरो खसेको छ।
Advertisement
मुग्लिन-नारायणगढ सडक खण्डको तुइनभिरमा गुडिरहेको कारमाथि पहिरो खसेको छ । बागमती प्रदेश ०२५ च २१८१ नं. को कारमाथि पहिरो खसेको थियो।
घटनामा सवार यात्रु सकुशल रहेको उनले बताएका छन्।
माथिबाट ढुङ्गा खस्ने क्रम अझै कम नभएको भन्दै सतर्कताका साथ यात्रा गर्न डिभिजन सडक कार्यालय सचेत गराएको छ।
