काठमाडौं– संसारमा हरेक मान्छेको एउटै चासो हुन्छ, पैसा कसरी कमाउने ? सुख सयल कसरी प्राप्त गर्ने ? संसारभरमा नै पैसा कमाउन नचाहने मानिस कमै होलान् । पैसा कमाउनका लागि कोशिस पनि आवश्यक पर्दछ । त्यसका लागि सबैभन्दा पहिले आफ्नो क्षमता बढाउनु जरुरी हुन्छ ।
क्षमताको प्रयोग गरेर रोजगारी या कारोबार गर्नु उत्तम हुन जान्छ । त्यसबाट बचत तथा लगानीका लागि थप अवसर समेत खोज्न सकिन्छ । वित्तीय क्षेत्रका जानकारहरू भन्छन् पैसा कमाउनका लागि सपना मात्रै देखेर पनि हुँदैन । त्यसका लागि सही र सहज प्रयास समेत गर्नु जरुरी हुन्छ ।
सपना देख्नुस्
सपना देख्नेले मात्रै समाजमा ठुलो प्रतिष्ठा, मान प्रतिष्ठा र पैसा समेत कमाउन सक्छ । सपना नदेख्ने र महत्त्वाकाङ्क्षी नराख्नेले समाजमा कुनै पनि प्रकारको प्रगति गर्न सक्दैन । सपना र महत्त्वाकाङ्क्षा मात्रै तपाईँको दायरलाई फराकिलो बनाउन सहयोग पुग्छ ।
यदि तपाई केही ठुलो काम गर्ने र सपना देख्नुहुन्छ तब तपाईँलाई त्यसले केही न केही थप मार्ग प्रशस्त गरिदिन्छ । सपना देख्नले नै त्यसलाई पूरा गराउन हर सम्भव प्रयास गर्दछ । आफूलाई सफल बनाउन प्रयत्न गर्न सक्छ । तपाईँको त्यस्तो सपनाको कसरी पूरा गर्न सकिन्छ । त्यसका लागि तपाईँलाई उपयुक्त लाग्ने योग्य व्यक्तिको समेत सहयोग लिन सक्नुहुन्छ ।
आफ्नो क्षमताको पहिचान
जानकारहरू भन्छन्, तपाईँको क्षमता, योग्यता के हो त्यो पहिचान गर्नुस् । त्यसले तपाईँलाई सफल हुन मद्दत मात्रै गर्दैन, मार्ग निर्देशन समेत गर्दछ । तपाई आफ्नै बारेमा यो जान्न जरुरी छ कि तपाई सबैभन्दा सहज र सजिलो तरिकाले काम गर्न सक्नुहुन्छ । तपाईँले मनदेखि नै गरेको काम तथा क्षमताको पहिचानले मात्रै तपाईँले खोजेको सफलता हासिल गर्न सक्नुहुन्छ । यसलाई ध्यानमा राख्नुस् कि जीवनमा सफलता हासिल गर्न वा पैसा कमाउनका लागि मतिस्कलाई सही दिशामा लगाउन जरुरी हुन्छ ।
कडा मेहनतको विकल्प छैन
पैसा कमाउने विषय सजिलो र सहज छैन । त्यसका लागि कडा मेहनत र डेडिकेशनको जरुरी पर्दछ । असाध्यै तल्लो तलबाट माथि उठेका संसारका ठुला मान्छेहरूले जीवनमा गरेको सङ्घर्षका कथा पढ्नुस् । दुःखबाट सफलता हासिल गरेर व्यक्तिको कथा र जीवन सङ्घर्षले तपाईँलाई प्रेरित गर्दछ । तपाईँको क्षमता बढाउन र मेहनत गर्नका लागि त्यसले तपाईँलाई प्रेरित गर्दछ ।
वारने बफेट हुन वा अमेजनका मालिक वा लायन्स इन्डस्ट्रिजका मालिक मुकेश आम्दानीले सपना देखेका कारण नै सफलता हासिल गरेका हुन् । कुशलतापूर्वक सफलता हासिल गर्न सकिन्छ । सफलता हासिल गर्नका लागि तपाई सधैँ तत्पर समेत हुनुपर्दछ । तपाईँको सपना पूरा गर्न कडा मेहनत गरेपछि त्यसले मात्रै स्वर्णिम भविष्यको उज्यालो सम्भावना तय गर्न सक्छ ।